రానా ఇంట పెళ్లి సందడి షురూ.. బాధగా ఉంది కానీ తప్పట్లేదు.. దగ్గుబాటి సురేష్ బాబు కామెంట్స్

రానా- మిహికా బజాజ్ ఈ రోజే (శుక్రవారం) మూడు ముళ్ల బంధంతో ఒక్కటి కానున్నారు. ఈ నేపథ్యంలో ఇరు కుటుంబాల్లో సందడి వాతావరణం నెలకొంది. అయితే తాజాగా రానా పెళ్లి విషయమై స్పందించిన సురేష్ బాబు.. అంతా బాగానే ఉంది కానీ కేవలం ఒక్క విషయంలో బాధగా ఉందని చెప్పారు.

టాలీవుడ్ మోస్ట్ ఎలిజిబుల్ బ్యాచిలర్ రానా దగ్గుబాటి ఓ ఇంటివాడు కాబోతున్నారు. ఈ రోజే (ఆగస్టు 8) రానా- మిహికా వివాహ వేడుక జరగనుంది. వేదమంత్రాల నడుమ అత్యంత సన్నిహితుల మధ్య జరగనున్న ఘనంగా జరగనున్న ఈ వేడుకకు హైదరాబాద్ రామానాయుడు స్టూడియో వేదిక కానుంది. ఈ మేరకు రామానాయుడు స్టూడియోలో అన్ని సదుపాయాలతో పెళ్లి ఏర్పాట్లు, కళ్ళు చెదిరే డెకరేషన్ చేయించారట రానా తండ్రి సురేష్ బాబు.

మరోవైపు పెళ్లికి మూడు రోజుల ముందే (బుధవారం) ప్రారంభమైన ప్రి-వెడ్డింగ్ సెలబ్రేషన్స్‌తో అటు రానా ఇంట, ఇటు రానాకు కాబోయే భార్య మిహికా బజాజ్ ఇంట సందడి వాతావరణం నెలకొంది. హల్దీ ఫంక్షన్, మెహందీ ఫంక్షన్, పెళ్లి కొడుకును చేయడం లాంటి కార్యక్రమాలతో ఇరు కుటుంబాలు బిజీ అయ్యాయి. గురువారం మధ్యాహ్నం నుంచి పెళ్లి వేడుకలు ఊపందుకొన్నాయి. శుక్రవారం రాత్రి రానా-మిహీకా సంగీత్ కార్యక్రమం కూడా నిర్వహించారు. ఈ వేడుకలో అక్కినేని నాగచైతన్య, సమంత దంపతులు కూడా పాల్గొని సందడి చేశారట.

Read Full Article Here

You may also like

Leave a Reply

Your email address will not be published. Required fields are marked *